مقبوضہ کشمیر میں بلدیاتی انتخابات ، حریت قیادت گرفتار

  • پیر, 08 اکتوبر 2018 12:33

شیعہ نیوز(پاکستانی شیعہ خبر رساں ادارہ) مقبوضہ کشمیر میں آج بھارتی حکومت کی جانب سے میونسپل اور پنچایت انتخابات کا ڈھونگ رچایا جارہا ہے ، اس موقع پر وادی میں حریت قیادت کی کال پر مکمل بائیکاٹ اور ہڑتال کا اعلان کیا گیا ہے۔مقبوضہ کشمیر میں 13 سال بعد بلدیاتی انتخابات کا ڈرامہ رچایا گیا ہے اور اس کے پہلے مرحلے میں ایک درجن سے زائد اضلاع کے 422 حلقوں میں پولنگ ہوگی۔قابض انتظامیہ کے مطابق 4 مرحلوں پر مشتمل بلدیاتی انتخابات کے پہلے مرحلے کیلئے ووٹنگ آج ہو رہی ہے، جبکہ چاروں مرحلوں میں ڈالے جانے والے ووٹوں کی گنتی 20 اکتوبر کو ہوگی۔کٹھ پتلی انتظامیہ کی جانب سے جنوبی کشمیر میں انٹرنیٹ کی خدمات معطل کر دی گئی ہیں، جبکہ یہاں سخت پابندیوں کے ساتھ ساتھ بھارتی فورسز کی اضافی نفری بھی تعینات کی گئی ہے۔واضح رہے کہ انتخابات کے موقع پر حریت رہنما میر واعظ عمر فاروق سمیت دیگر رہنماؤں کو گھروں میں نظربند اور گرفتار کیا گیا ہے۔

 

Leave a comment

Make sure you enter all the required information, indicated by an asterisk (*). HTML code is not allowed.