ایران کا اسرائیل پر جوابی حملہ، تلآویو میں امریکی سفارت خانہ کو بھی نقصان پہنچا
شیعہ نیوز: امریکی سفیر نے مقبوضہ علاقوں میں ایران کے میزائل حملوں کی جانب اشارہ کرتے ہوئے کہا ہے کہ واشنگٹن کا سفارت خانہ تلآویو میں بند رہے گا۔
رپورٹ کے مطابق، تل آویو میں امریکی سفیر نے اعلان کیا کہ تلآویو میں ایرانی میزائل حملے سے امریکی سفارت خانہ کو نقصان پہنچا ہے۔
یہ بھی پڑھیں : ای سی او نے ایران پر صیہونی جارحیت کی مذمت کی ہے
مایک ہاکبی نے سوشل میڈیا پلیٹ فارم "ایکس” پر لکھا کہ ایران سے داغے گئے میزائل کے باعث تلآویو میں امریکی سفارت خانے کی عمارت کو جزوی نقصان پہنچا ہے۔
انہوں نے مزید کہا کہ امریکہ کا سفارت خانہ اور قونصل خانہ اسرائیل میں آج بھی سرکاری طور پر بند رہیں گے اور "پناہ گاہ میں رہنے” کی ہدایت اپنی جگہ برقرار رہے گی۔ تاہم، امریکی عملے کو کوئی جانی نقصان نہیں پہنچا۔
ہاکبی نے ہفتے کے روز بھی کہا تھا کہ ایران کے شدید میزائل حملوں کی وجہ سے "اسرائیل میں سخت رات گزری اور مجھے رات کے دوران پانچ بار پناہ گاہ جانا پڑا۔”
