مشرق وسطیہفتہ کی اہم خبریں

خطے میں امریکی قبضے کے خلاف مزاحمت ایک قانونی حق ہے، شامی رکن پارلیمنٹ

شیعہ نیوز: شامی رکن پارلیمنٹ  نے امریکہ پر عراق اور شام میں صیہونی حکومت کے مفادات کے تحفظ کا الزام لگاتے ہوئے خطے میں امریکی تسلط کے خلاف مزاحمت کو قانونی حق قرار دیا۔

المعلومہ نیوز سائٹ نے بتایا ہے کہ شامی رکن پارلیمنٹ جویدیہ میخائل ثلجہ نے امریکہ پر الزام عائد کیا ہے کہ وہ عراق اور شام میں صیہونی حکومت کے مفادات کو پورا کرنے اور ملک کے عوام پر تلخ حقائق مسلط کرنے کی کوشش کررہا ہے۔

شامی پارلیمنٹ کی اس رکن نے مزید کہا کہ امریکہ شام پر قبضہ کر کے اس کی قومی دولت کو لوٹ رہا ہے اور تمام دہشت گرد گروہوں کی حمایت کرتے ہوئے اپنی سرپرست صیہونی حکومت کی حمایت اور مدد کرتا ہے۔

یہ بھی پڑھیں : روس ایران کے عالمی کردار کا معترف ہے، روسی نائب وزیر خارجہ

انہوں نے واضح کیا کہ شام کے علاقوں پر امریکہ کے پے درپے حملے واشنگٹن کی حمایت یافتہ دہشت گرد تنظیموں کے مفادات کے تحفظ اور علاقے میں امریکہ کے تسلط کو جاری رکھنے کے لئے صیہونی حکومت کی خدمت کے مقصد سے کئے جاتے ہیں۔

انہوں نے بلنکن کے اس گستاخانہ دعوے ’’شام اور عراق پر امریکی حملے اپنے دفاع میں کیے گئے ہیں‘‘ پر شدید تنقید کرتے ہوئے کہا کہ وہ (امریکی) ہماری سرزمین پر قابض ہیں نہ ہم، لہذا امریکی قبضے کے خلاف مزاحمت ہمارا قانونی حق ہے۔

جویدیہ ثلجہ  نے واضح کیا کہ جب امریکہ کہیں ہار جاتا ہے تو وہ دوسری جگہوں پر حملے کرکے اپنے نقصان اور شکست کو چھپانے کی کوشش کرتا ہے۔

آخر میں شامی رکن پارلیمنٹ نے تاکید کی کہ شام اور عراق کو یہ حق حاصل ہے کہ وہ مناسب وقت پر امریکہ کے جارحانہ حملوں کا اپنے مفادات کے مطابق مناسب دفاعی جواب دیں۔

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button