اگر امریکا اور ایران جنگ کریں تو عالمی جنگ شروع ہوجائے گی، ملائیشین وزیر اعظم

شیعہ نیوز: ملائیشیا کے وزیر اعظم مہاتیر محمد نے بینکاک میں سی این بی سی خبر ایجنسی سے گفتگو کرتے ہوئے خلیج فارس میں پیش آنے والے حالیہ واقعات کے بارے میں کہا: امریکا بھڑکانے والے ہر قسم کے اقدامات انجام دے رہا ہے۔ اگر امریکا اور ایران جنگ کریں تو عالمی جنگ شروع ہوجائے گی۔

انہوں نے توانائی کی قیمتوں میں ممکنہ اضافے کی طرف اشارہ کرتے ہوئے کہا: یہ اس وجہ سے ہے کہ ہم ایران کو تیل فراہم کرنے والا ایک بڑا ملک سمجھتے ہیں۔

ایران کے خلاف پابندیاں در حقیقت ملائیشیا کے خلاف بھی ہیں، کیوں کہ ہم ایک اچھے تجارتی شراکت دار کے ساتھ جو ایران ہمارے لئے فراہم کرتا ہے لین دین نہیں کرسکتے ہیں۔

مہاتیر محمد نے یہ بھی کہا: اس قسم کی پابندیاں عائد کرنا اور کسی بڑی طاقت کے ساتھ سمجھوتے کے لئے دوسرے ملکوں کو مجبور کرنا مکمل طور پر ایک غیر ڈیموکریٹک اقدام ہے، یہ بدقماشی ہے۔

انہوں نے امریکی صدر ٹرمپ کو ناقابل پیش گوئی قرار دیتے ہوئے کہا کہ وہ ایسے شخص ہیں جو ایک مرتبہ اور منتخب ہونے کی صورت میں پوری دنیا کو نقصان پہنچاسکیں گے۔