ایران کی جانب سے استقامتی محاذ کی حمایت پوری قوت سے جاری رہے گی، پزشکیان
شیعہ نیوز: ایران کے منتخب صدر مسعود پزشکیان نے حزب اللہ کے سربراہ سید حسن نصر اللہ کے نام پیغام میں کہا ہے کہ ایران کی جانب سے استقامتی محاذ کی حمایت پوری طاقت سے جاری رہے گی۔
رپورٹ کے مطابق انھوں نے اپنے پیغام میں لکھا ہے کہ ایران ہمیشہ غاصب صیہونی حکومت کے مقابلے میں استامتی محاذ اور خطے کے عوام کا حامی رہا ہے اور رہے گا۔
یہ بھی پڑھیں : عزاداری سید الشہداءؑ ظلم و جبر کیخلاف جہاد کا جذبہ عطا کرتی ہے، علامہ ساجد نقوی
انھوں نے لکھا ہے کہ استقامتی محاذ کی حمایت اسلامی جمہوری نظام کی بنادی پالیسیوں کا حصہ ہے۔
ایران کے منتخب صدر نے کہا ہے کہ ناجائز صیہونی حکومت کے مقابلے میں مظلوم فلسطینی عوام اور تحریک استقامت کی حمایت حضرت امام خمینی رحمت اللہ علیہ اور رہبر معظم انقلاب اسلامی آیت اللہ العظمیٰ سید علی خامنہ ای کی اہم ترین ہدایات میں شامل ہے جو کبھی منقطع نہيں ہوگی بلکہ پوری قوت سے جاری رہے گی۔
انھوں نے اپنے پیغام میں لکھا ہے کہ ہمین یقین ہے کہ استقامتی تحریکیں غاصب صیہونی حکومت کو مظلوم فلسطینی عوام اور خطے کی ديگر اقوام کے خلاف وحشیانہ حملوں اور جنگی جرائم کا سلسلہ جاری رکھنے کی اجازت نہیں دیں گی۔
ایران کے منتخب صدر مسعود پزشکیان نے اپنے پیغام میں لکھا ہے کہ جناب عالی کی مخلصانہ دعاؤں کے لئےشکرگزار ہوں اور خدا وند عالم سے لبنان کے عوام اورتحریک استقامت کے مجاہدین کے لئے کامیابی و کامرانی اور سرافرازی کی دعا کرتا ہوں۔
