داعش نے غزنی میں شیعہ مسجد پر حملے کی ذمہ داری قبول کرلی

شیعہ نیوز (پاکستانی شیعہ خبر رساں ادارہ) مشرقی افغانستان کے صوبہ غزنی میں شیعہ مسجد پر حملے کی ذمہ داری دہشت گرد تنظیم داعش نے قبول کرلی ہے۔

شیعہ مسجد پر حملے کے متعلق داعش نے بیان جاری کیا ہے جس کہا گیا ہے کہ غزنی کے ’’خاک غربیان‘‘ نامی علاقے کی مسجد پر حملہ داعش نے ہی کیا۔

واضح رہے کہ چند روز قبل جامع مسجد محمدیہ میں ایک بم دھماکہ کیا گیا تھا جس میں 4نمازی شہید اور20 زخمی ہوگئے تھے۔ افغان حکام کا کہنا تھا کہ بم مسجد میں پہلے سے چھپا گیا تھا۔

یاد رہے کہ افغانستان کے مختلف علاقوں میں شیعہ مساجد پر متعدد بار حملے کئے جاچکے ہیں اور ان تمام دھماکوں کی ذمہ داری دہشت گرد تنظیم داعش قبول کرتی رہی ہے۔

خیال رہے کہ افغانستان میں داعشی دہشت گردوں کو امریکا اور افغان حکومت کی خفیہ حمایت حاصل ہے۔