عرب واسلامی حکمرانوں کی مذہبی واخلاقی ناکامی،انٹرنیشنل یونین آف مسلم اسکالرز کا اسرائیل کے خلاف جہاد کا فتویٰ

شیعہ نیوز : علی القره داغی نے بین الاقوامی مسلم سکارز کی یونین کی قیاد کرتے ہوئے اسرائیل کے خلاف جہاد کا فتویٰ جاری کیا ہے۔ یہ فتوایٰ اس وقت سامنے آیا ہے جب غزہ جنگ کو ڈیڑھ سال سے زیادہ کا عرصہ ہو گیا ہے۔

علی القره داغی نے عرب اور مسلم ممالک کی حکومتوں پر تنقید کی ہے۔ انہوں نے غزہ کی تباہی پر خاموش رہنے والوں کو مخاطب کرتے ہوئے کہا ہے کہ ’یہ خاموشی مذہبی اور اخلاقی ناکامی کی قبر ہے۔‘

15 اہم نکات پر مشتمل یہ فتوے میں اسرائیل کے ساتھ کسی بھی قسم کے تعاون سے منع کیا گیا ہے۔ جس میں اسرائیل کو ہتھیاروں کی فروخت یا اس کے فائدے کے لیے سویز کینال جیسے آمد ورفت کے راستوں کا استعمال شامل ہے۔

یہ بھی پڑھیں : عالمِ اسلام کی قیادت کب تک غفلت، بزدلی اور بے حمیتی کی چادر اوڑھے رہے گی؟نائب امیر جماعت اسلامی لیاقت بلوچ

انہوں نے مزید کہا ہے کہ ’اسرائیل کو ہتھیار فروخت کرنا، بندرگاہوں یا بین الاقوامی بحری راستوں جیسے سویز کینال، باب المندب، یا کسی اور زمینی، سمندری یا ہوائی راستوں سے آمد و رفت نہیں کرنی جس سے اسرائیل کی مدد ہو رہی ہو۔

علی القره داغی نے کہا ہے کہ ’یہ کمیونٹی فتویٰ جاری کرتی کہ غزہ میں ہمارے بھائیوں کی حمایت میں دشمن کا فضائی، زمینی اور سمندری راستہ روکا جائے۔‘

’اپنے مینڈیٹ کے مطابق اس نسل کشی اور بڑی تباہی کو روکنے کے لیے فوری طور پر فوجی، اقتصادی اور سیاسی طور پر کام کریں۔