غزہ میں صیہونی فوج کی نہتے فلسطینیوں پر فائرنگ، 12 شہری زخمی

شیعہ نیوز : غزہ کی پٹی میں اسرائیلی فوج نے بیت حانون کے مقام پر نہتے فلسطینیوں پر گولیاں چلائیں اور آنسوگیس کی شیلنگ کی جس کے نتیجے میں کم سے کم 12 شہری زخمی ہوگئے۔

غزہ میں حماس کے نامہ نگار نے وزارت صحت کے حوالے سے بتایا کہ بیت حانون کے مقام پر جمع فلسطینیوں کے ایک گروپ پر اسرائیلی فوج نے فائرنگ کی اور آنسوگیس کی شیلنگ کی جس کے نتیجے میں 3 فلسطینی گولیاں لگنے اور 9 آنسوگیس کی شیلنگ سے زخمی ہوئے۔

مقامی فلسطینی ذرائع کا کہنا ہے کہ سرحدی باڑ کے قریب متمرکز اسرائیلی فوجیوں نے کوڑے کرکٹ کے ڈھیر کے قریب جمع فلسطینیوں کے ایک گروپ پر گولیاں چلائیں جس کے نتیجے میں کم سے کم 12 فلسطینی زخمی ہو گئے۔ زخمیوں کو علاج کے لیے بیت حانون اور دیگر مقامات کے اسپتالوں میں منتقل کیا گیا ہے۔