قطر ورلڈ کپ میں فلسطین فاتح ہے: اسرائیلی اخبار کا دعویٰ

شیعہ نیوز (پاکستانی شیعہ خبر رساں ادارہ) قطرمیں جاری فٹ بال ورلڈ کپ کے دوران جس طرح عرب تماشائیوں اور ٹیموں نے فلسطینی پرچم لہرا کرفلسطینی قوم کے ساتھ یکجہتی اور اسرائیلیوں سے نفرت کا اظہار کیا ہے اس کو دیکھتے ہوئے اسرائیلی میڈیا چیخ چیخ کر اس ورلڈ کپ کو فلسطینیوں کے لیے فاتح قرار دے رہا ہے۔

قطر سے اسرائیلی اخبار ’ہارٹز‘ کے نامہ نگار نے قطع نظراس کے کہ اتوار کو ہونے والے فائنل میچ میں فرانس اور ارجنٹائن میں سے کون جیتا ہے "قطر میں فاتح فلسطین ہے‘‘ کا عنوان دیا ہے۔

نامہ نگار عوزی دان نے مزید کہا کہ عظیم فتح فلسطینیوں کے ساتھ عربوں کی یکجہتی ہے۔

انہوں نے نشاندہی کی کہ اس ورلڈ کپ میں فلسطینی جھنڈا سب سے زیادہ مقبول ہوا اور احساس یہ ہے کہ ورلڈ کپ میں حصہ لینے والے 33 ملکوں میں سب سے اہم (فلسطین) ہیں، چاہے ہم سیمی فائنل کو چھوڑ کر چیمپئن شپ کے میچ میں پہنچ جائیں۔ کچھ بھی نہیں بدلا، سٹیڈیمز کے اندر اور باہر، میٹرو اور گلیوں میں، ٹیموں کی فتح اور شکست ہر طرف عرب، فلسطین کے ساتھ یکجہتی کرتے نظرآتے ہیں۔

رپورٹر نے مزید کہا کہ ورلڈ کپ کے اختتام کے قریب آتے ہی میٹرو میں منتظمین اور سکیورٹی اہلکاروں کی طرف سے فلسطین کی حمایت میں میٹل ڈیٹیکٹرز پر فلسطینی جھنڈے لہرائے گئے۔ سمٹ اس وقت ہوا جب ایک مراکشی نے اسٹیڈیم کے لاؤڈ اسپیکرز میں اعلان کیا کہ ” مراکش زندہ باد ۔ فلسطین زندہ باد، مقبوضہ فلسطین کی آزادی کی حمایت میں نعرے لگائے گئے”۔