مزاحمتی مجاہدین کا سید حسن نصراللہ کے نام خط

 شیعہ نیوز: حزب اللہ کے مجاہدین کے ایک گروپ نے لبنان کی اسلامی مزاحمتی تنظیم کے سیکرٹری جنرل کے نام ایک خط میں مزاحمت اور دشمنوں کا مقابلہ کرنے کے لیے اپنی وفاداری پر تاکید کی ہے۔ اسلامی جمہوریہ ایران کے خبررساں ادارے فارس نیوز کے مطابق بدھ کی صبح "المنار” چینل نے اپنی ایک رپورٹ میں لبنان کی اسلامی مزاحمتی تحریک کے جنگجوؤں کے ایک گروپ کی طرف سے حزب اللہ کے سیکرٹری جنرل کو لکھے گئے خط کا متن پڑھا۔ اس خط میں کہا گیا ہے کہ "آپ کے سپاہی آپ کے اختیار میں ہیں، تاکہ خدا دشمنوں کو ان کے ہاتھوں سزا دے اور اہل ایمان کے دلوں پر مرہم رکھے۔

ہم نے آپ سے اور اپنے وفادار خاندان سے وعدہ کیا تھا کہ ہم شہداء کی مرضی کے مطابق رہیں گے۔ حزب اللہ کے مجاہدین نے سید حسن نصراللہ سے کہا کہ اے ہمارے آقا، خدا کا سچا وعدہ اور اس کی گواہی کی طاقت، آپ کے سپاہیوں نے اپنے سر خدا کے سپرد کر دیئے ہیں۔ اے مجاہدوں اور شہداء کے باپ، ہمارا سلام اور احترام آپ پر ہے۔” اس خط میں مزید کہا گیا ہے کہ آپ نے ہمارے لیے سلام اور دعاؤں سے آغاز کیا، جس نے میدان میں ہماری حمایت اور پشتپناہی کی۔ اے ہمارے آقا، اے ہمارے پیارے، آپ ہمیں ہمت اور بہادری سکھاتے ہیں۔ اس سے قبل حزب اللہ کے سیکرٹری جنرل کا کہنا تھا کہ گذشتہ 3 ماہ میں صیہونی حکومت کے 48 سرحدی مراکز، مقبوضہ فلسطین کے اندر موجود 11 ٹھکانوں اور 17 صیہونی بستیوں کو نشانہ بنایا گیا ہے۔