پاکستانی شیعہ خبریں

وزیراعلی سندھ عزاداروں پر قائم بےبنیادمقدمات ختم کریں

شیعہ نیوز:مجلس وحدت مسلمین پاکستان کے مرکزی ترجمان مقصود علی ڈومکی نے ضلع شکارپور کے سابق ضلعی نائب ناظم میر تقی عباس خان کماریو سے ان کے بھائی کوثر عباس خان کماریو کی وفات پر تعزیت کی اور فاتحہ پڑھی۔ اس موقع پر مجلس وحدت مسلمین تحصیل گڑھی یاسین کے سیکرٹری جنرل مستنصر حسین ابڑو قمردین شیخ سید بشارت حسین شاہ منصور علی صدیقی ودیگر ان کے ہمراہ تھے۔

اس موقع پر موجودہ صورتحال پر گفتگو ہوئی۔ اس موقع پر گفتگو کرتے ہوئے ہوئے مقصود علی ڈومکی نے کہا کہ سیکورٹی اداروں کی غفلت کے باعث سانحہ مچھ رونما ہوا۔ ملک کو دائمی امن تب ہی نصیب ہوگا جب تمام دھشت گردوں اور ان کے سہولت کاروں کا خاتمہ ہو۔ حکومت اور ریاستی اداروں کو چاہیے کہ وہ ملک بھر میں کالعدم تکفیری گروہوں کے خلاف آپریشن کلین اپ کا آغاز کریں۔ کیونکہ تکفیری دہشتگرد نام بدل کر داعش کے لئے کام کر رہے ہیں۔
انہوں نے کہا کہ سندھ حکومت کو چاہئے کہ وہ اربعین کے موقع پر درج مقدمات واپس لے۔ وزیر اعلی سندہ اپنے وعدے کے مطابق نہتے عزاداروں پر قائم بےبنیاد مقدمات ختم کریں۔

انہوں نے کہا کہ مجلس وحدت مسلمین قوم کی نمائندہ جماعت کی حیثیت سے ملت کے حقوق کے لئے اپنی جدوجہد جاری رکھے گی۔ اس موقع پر گفتگو کرتے ہوئے میرتقی عباس خان کماریو نے کہا کہ مجلس وحدت مسلمین کی قیادت نے ملت کے حقوق کیلئے جو جدوجہد کی ہے وہ قابل تعریف ہے۔

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button