چہلم امام حسینؑ، مجالس، جلوسوں اور حساس تنصیبات کی حفاظت کیلئے اقدامات

شیعہ نیوز:رینجرز ہیڈ کوارٹرز میں ڈی جی رینجرز سندھ میجر جنرل عمر احمد بخاری کی زیر صدارت چہلم حضرت امام حسینؑ کی مناسبت سے اہم اجلاس منعقد ہوا، اجلاس میں کمشنر کراچی،ایڈیشنل آئی جی کراچی،ڈی آئی جی سی ٹی ڈی، اسپیشل برانچ، جوائنٹ ڈی جی آئی بی، ڈی آئی جیزایسٹ، ساؤتھ، ویسٹ، سی آئی اے اور ٹریفک ،پولیس، رینجرزاور حساس اداروں کے اعلیٰ افسران نے شرکت کی ،اجلاس کے دوران چہلم حضرت امام حسینؑ کے حوالے سے سیکیورٹی پلان کا جائزہ لیاگیا تاکہ کسی بھی ممکنہ دہشتگردی سے مؤثر انداز میں نمٹا جا سکے، اجلاس میں فیصلہ کیا گیا کہ چہلم حضرت امام حسین ؓ کے دوران منعقد کی جانے والی مجالس اور جلوسوں کے ساتھ حساس تنصیبات کی سیکیورٹی، صوبائی حکومت کی طرف سے دیئے گئے احکامات کی روشنی میں مروجہ قوانین اور ضابطہ اخلاق کی مکمل پاسداری کو ہر ممکن طور پر یقینی بنایا جائے گا۔