گلگت بلتستان کی تمام سیاسی جماعتوں کو انٹرا پارٹی الیکشن کی ہدایت

 مراسلے میں کہا گیا ہے کہ الیکشنز ایکٹ 2017ء کے سیکشن 208- 209 اور 215 کے تحت الیکشنز رولز 2017ء کے رول 158 کے مطابق ایک سیاسی جماعت آئین کے مطابق انٹرا پارٹی انتخابات کرانے کی مکمل پابند ہے جو کہ ایک لازمی شرط بھی ہے۔ علاوہ ازیں الیکشن کمیشن گلگت بلتستان کی جانب سے جاری مراسلے میں پاکستان تحریک انصاف جی بی کیلئے انٹرا پارٹی انتخابات کے انعقاد کے حوالے سے کہا گیا ہے کہ معزز چیف کورٹ گلگت بلتستان کا فیصلہ جس میں محمد خالد خورشید خان بطور صدر پاکستان تحریک انصاف گلگت بلتستان ان کی جعلی ڈگری کیخلاف فیصلہ سناتے ہوئے انہیں نااہل قرار دیا گیا تھا جس کی روشنی میں الیکشن کمیشن جی بی نے اپنے ریکارڈ سے انہیں ہٹا دیا ہے۔