محرم کا چاند دیکھنے کیلئے اجلاس 10 ستمبر کو ہوگا

شیعہ نیوز(پاکستانی شیعہ خبر رساں ادارہ) محرم الحرام 1440 ہجری کا چاند دیکھنے کےلیے مرکزی رویت ہلال کمیٹی کا اجلاس 10 ستمبر کو کراچی میں ہوگا۔نئے اسلامی سال کا آغازمحرم الحرام سے ہوتا ہے، محرم کا چاند دیکھنے کے لیے مرکزی رویت ہلال کمیٹی کے چیئرمین مفتی منیب الرحمان نے 10 ستمبر کوکراچی میں اجلاس طلب کیا ہے۔اس موقع پر زونل کمیٹیوں کے اجلاس لاہور، کوئٹہ اورپشاورمیں ہوں گے، جبکہ محکمہ موسمیات کے نمائندے بھی اجلاس میں شریک ہوں گے۔محکمہ موسمیات کے مطابق پیرکے روزمحرم الحرام کا چاند نظرآنے کے قوی امکانات ہیں ، تاہم اس کا حتمی اور شرعی اعلان مرکزی رویت ہلال کمیٹی کے چیئرمین مفتی منیب الرحمان ہی کریں گے۔