حیدرآباد، نیا پل چوک پر دہشتگردوں کا کریکر حملہ، 11 افراد زخمی

شیعہ نیوز ( پاکستانی شیعہ خبر رساں ادارہ ) حیدرآباد: نیا پل چوک پر باچا خان فلائی اوور کے قریب کریکر حملے کے نتیجے میں 11 افراد زخمی ہوگئے۔ میڈیا رپورٹس کےمطابق حیدرآباد کے علاقے نیا پل چوک میں ٹھیلے کے قریب کریکر دھماکے کے نتیجے میں 11 افراد شدید زخمی ہوگئے جب کہ دھماکے سے علاقے میں شدید خوف و ہراس پھیل گیا۔

دھماکے کے فوری بعد زخمیوں کو سول اسپتال منتقل کردیا گیا جہاں بعض زخمیوں کی حالت تشویشناک بتائی جاتی ہے۔ دوسری جانب کریکر دھماکے کے بعد پولیس نے موقع پر پہنچ کر علاقے کو گھیرے میں لے کر شواہد اکٹھا کرنا شروع کردیئے جب کہ ملزمان کی تلاش کے لیے بھی علاقے کی ناکہ بندی کردی گئی ہے۔