اسرائیلی فوجی ٹھکانوں پر حزب اللہ لبنان کے 14 حملے
شیعہ نیوز: حزب اللہ لبنان نے مقبوضہ شمالی علاقوں میں اسرائیلی دشمن کے فوجی ٹھکانوں پر چودہ حملے کر کے اس دن کو تاریخی دن میں تبدیل کر دیا۔
المیادین نیوز سائٹ نے خبر دی ہے کہ حزب اللہ لبنان نے گذشتہ چوبیس گھنٹوں کے دوران لبنان اور مقبوضہ فلسطین کے مختلف علاقوں میں صیہونی حکومت کے فوجی ٹھکانوں پر کئی حملے کرتے ہوئے تاکید کی ہے کہ یہ حملے، غزہ میں فلسطینیوں کی تحریک استقامت کی حمایت میں کئے جا رہے ہیں۔
یہ بھی پڑھیں : القسام بریگیڈز کے اسرائیلی فوجیوں پر حملے، چار صیہونی فوجی ہلاک
لبنان کی تحریک استقامت نے گذشتہ چوبیس گھنٹوں میں تیرہ بیانات جاری کئے جن میں لبنان کے مشرقی اور مغربی سرحدی علاقوں میں صیہونی فوجی ٹھکانوں پر چودہ حملے کرنے کی ذمہ داری قبول کی جن میں اسرائیلی فوجیوں کو خاصا نقصان پہنچا۔
رپورٹ کے مطابق حزب اللہ لبنان نے ان حملوں میں ڈرون طیاروں کا بھی استعمال کیا اور اسرائیلی فوجی ٹھکانوں پر میزائل برسائے جس سے غاصب اسرائیلی فوجی حواس باختہ ہو گئے اور انھیں کافی نقصان پہنچا۔
