آئی ایس او کا مرکزی "مہدویت اُمید بشریت کنونشن" 15 ستمبر سے شروع ہو گا
شیعہ نیوز(پاکستانی شیعہ خبر رساں ادار ہ)امامیہ اسٹوڈنٹس آرگنائزیشن پاکستان کی مرکزی کابینہ کا اجلاس مرکزی صدر سرفراز نقوی کی سربراہی میں منعقد ہوا جس میں سالانہ مرکزی کنونشن کی تیاریوں کا جائزہ لیا گیا۔ اجلاس میں چیئرمین کنونشن نیئر عباس جعفری نے مرکزی صدر کو کنونشن کی تیاریوں کے حوالے سے آگاہ کیا۔ نیئر عباس جعفری کا کہنا تھا کہ 3 روزہ کنونشن کی تیاریوں کا سلسلہ جاری ہے جبکہ امسال بھی کنونشن تنظیم کے بانی شہید ڈاکٹر محمد علی نقوی کے مرقد علی رضا آباد لاہور میں منعقد ہوگا۔ اس موقع پر مرکزی صدر نے کنونشن کے حوالے سے تیاریوں پر اظہار اطمینان کرتے ہوئے کہا کہ 15 ستمبر سے آئی ایس او کا 46واں "مہدویت اُمید بشریت کنونشن” پوری آب و تاب سے شروع ہوگا۔ کنونشن کے اہم پروگرامات میں تعلیمی سیمینار، مہدویت اُمید بشریت کانفرنس ہوگی، شہدا کو خراج عقیدت پیش کرنے کیلئے شب شہدا بھی منائی جائے گی جبکہ 17 ستمبر کو مرکزی مجلس عمومی کے اراکین نئے مرکزی صدر کا انتخاب عمل میں لائیں گے۔ اجلاس میں مرکزی کابینہ کے تمام اراکین نے شرکت کی۔
