واللہ نہیں بھولیں گے، سانحہ عاشور کوئٹہ کو 15 برس بیت گئے
شیعہ نیوز (پاکستانی شیعہ خبر رساں ادارہ) ملت تشیع پاکستان آج سانحہ عاشور کوئٹہ کے شہداء کی 15 ویں برسی منا رہی ہے۔
تفصیلات کے مطابق 2مارچ 2004کو کوئٹہ میں جلوس عاشورہ کے دوران کالعدم سپاہ صحابہ اور لشکر جھنگوی کے مسلح تکفیری دہشت گردوں نے عزاداروں پر اس وقت حملہ کیا جب وہ نوحہ خوانی وسینہ زنی کرتے ہوئے اپنی منزل مقصودکی جانب رواں دواں تھے ۔
حملہ آور تکفیری دہشت گردجلوس کے روٹ پر موجود بند دکانوں میں پہلے ہی سے مورچہ بند تھے جیسے ہی جلوس بازار میں داخل ہواگھات لگائے تکفیری دہشت گردوں نے بند دکانوں کے شٹر اٹھا کرجدید ترین خودکارہتھیاروں سے اندھادھندفائرنگ کردی جس کے نتیجے میں ہر طرف لاشیں اور زخمی بکھر گئے ہرسو خون ہی خون نظر آرہا تھا ، اس افسوس ناک اور دل دہلادینے والے سانحے میں 42عزادار شہید جبکہ 100سے زائد شدید زخمی ہوگئے تھے، افسو س کے دیگر سانحات کی طرح اس سانحے میں ملوث دہشت گرد بھی تاحال قانون کی گرفت میں ناآسکے اور آج تک کالعدم لشکر جھنگوی اور سپاہ صحابہ کے دہشت گرد قاتل رمضان مینگل کی سربراہی میں کوئٹہ میں دندناتے پھرتے ہیں ۔
