آئی ایس او کا 16 مئی کو یوم مردہ باد امریکہ منانے کااعلان

شیعہ نیوز (پاکستانی شیعہ خبر رساں ادارہ) آئی ایس او پاکستان نے گزشتہ سالوں کی طرح اس سال بھی  16 مئی کو یوم مردہ باد امریکہ منانے کا اعلان کردیا۔

تفصیلات کے مطابق آئی ایس او پاکستان کے مرکزی دفتر میں کارکنان سے خطاب کرتے ہوئے مرکزی جنرل سیکرٹری  عارف حسین نے کہا کہ 16 مئی عالمی استکبار و استعمار کے خلاف اٹھ کھڑے ہونے کا دن ہے، امام خمینی کا فرمان روز روشن کی طرح واضح ہو چکا ہے کہ دنیا کی تمام تر مشکلات کا ذمہ دار امریکہ ہے، آج اسرائیل کا وجود عالم اسلام کیلئے خطرہ بن چکا ہے اگر عرب ممالک ان سازشوں کا شکار نہ ہوتے تو آج انسانیت کا ناحق خون نہ بہتا۔

انہوں نے کہا کہ 16 مئی کو امریکہ نے بزور طاقت اقوام متحدہ سے اسرائیل کے ناپاک وجود کو منظور کروایا تھا جس پر علامہ عارف الحسین الحسینی نے 16مئی کو یوم مردہ باد امریکہ منانے کا اعلان کیا اور ان کے حکم پر آئی ایس او ہر سال عالمی استکبار کیخلاف 16 مئی کو یوم مردہ باد امریکہ دن مناتی ہے اس روز فلسطینی مظلوموں کی حمایت کرکے صیہونی مظالم سے پردہ اٹھایا جاتا ہے، لہذا امسال بھی ملک گیر امریکہ و اسرائیل مردہ باد ریلیاں نکالی جائیں گی۔