تکفیری دہشتگرد تنظیموں سے نمٹنے کیلئے پنجاب کے 17 اضلاع میں رینجرز طلب کرنیکا فیصلہ

شیعہ نیوز (پاکستانی شیعہ خبر رساں ادارہ)پنجاب میں بھی سکیورٹی رینجرز کے حوالے کرنے کا فیصلہ کر لیا گیا، رینجرز نے سترہ اضلاع میں عالمی تکفیری دہشتگرد گروہ داعش اور دیگر کالعدم تکفیری دہشتگرد جماعتوں کے خلاف بھرپور کارروائی کے لئے حکمت عملی تیار کرلی۔ذرائع کے مطابق پنجاب کے سترہ اضلاع میں رینجرز ایکشن کرے گی، کالعدم تکفیری دہشتگرد گروہوں سے نمٹنے کیلئے پنجاب رینجرز کو طلب کرنے کا فیصلہ کیا گیا ہے، ابتدائی طور پر بہاولپور، بہاولنگر، حاصل پور، رحیم یار خان، ملتان، فیصل آباد، سیالکوٹ، گوجرانوالہ سمیت دیگر اضلاع میں رینجرز کو لگایا جائے گا۔ بلوچستان سے ملنے والی سرحد بھی رینجرز کی ہی ذمہ داری رہے گی۔

ذرائع کا کہنا ہے کہ رینجرز عالمی دہشتگرد گروہ داعش اور دیگر کالعدم تکفیری دہشتگرد تنظیموں کے خلاف بھرپور کارروائی کے لئے حکمت عملی ترتیب دے چکی ہے، پنجاب حکومت کی خواہش ہے کہ رینجرز صرف دہشتگردی تک اپنی توجہ مرکوز رکھے۔ رینجرز کا موقف ہے کہ تکفیری دہشتگردوں کے سہولت کار اور انکی مالی معاونت کرنے والوں کے خلاف بھی کارروائی کی جائے گی۔ رینجرز کو طلب کرنے کی تاریخ اعلٰی سطح کے اجلاس میں طے کی جائے گی۔ حکومتی ذرائع کا کہنا ہے رینجرز کو پولیس کی معاونت کے لئے بلایا گیا ہے