کراچی، سمندر میں ڈوبنے والوں میں سے 19 افراد کی لاشیں نکال لی گئیں

شیعہ نیوز (کراچی) کراچی کے ساحل پر نہاتے ہوئے سمندر میں ڈوب جانے والوں میں سے 19 افراد کی لاشیں نکال لی گئی ہیں۔ کراچی کے ایڈمنسٹریٹر شعیب احمد صدیقی نے خبر رساں ادارے اے ایف پی کو بتایا کہ چار افراد ابھی تک لاپتہ ہیں۔ ڈوبنے والے 23 افراد ان ہزاروں میں شامل تھے جو عید کے دوسرے دن کراچی کے ساحل پر جمع تھے۔ صدیقی کے مطابق تلاش کے کام کے لیے نیوی کے غوطہ خوروں اور ایک ہیلی کاپٹر کی مدد بھی لی جا رہی ہے۔ پولیس کے مطابق مون سون کے موسم میں سمندر میں نہانے پر پابندی عائد ہے تاہم لوگ اس کی زیادہ پرواہ نہیں کرتے۔کراچی، سمندر میں ڈوبنے والوں میں سے 19 افراد کی لاشیں نکال لی گئیں