کراچی میں پولیس اور حساس اداروں کی کارروائی، کالعدم تنظیم کے 2 دہشتگرد گرفتار

شیعہ نیوز (پاکستانی شیعہ خبر رساں ادارہ) شہر قائد کے علاقے اورنگی ٹاؤن میں پولیس اور حساس اداروں نے کارروائی کرکے کالعدم دہشتگرد تنظیم کے 2 ارکان حراست میں لے کر ان کے قبضے سے اسلحہ اور ممنوعہ لٹریچر برآمد کرلیا۔ تفصیلات کے مطابق پولیس اور حساس اداروں کے اہلکاروں نے پہلے سے گرفتار دہشتگردوں کی نشاندہی پر کراچی کے علاقے اورنگی ٹاؤن میں ایک گھر میں چھاپہ مار کر 2 دہشتگردوں کو حراست میں لے لیا، گرفتار کئے گئے دہشتگردوں کے قبضے سے اسلحہ اور ممنوعہ لٹریچر برآمد ہوا ہے۔ حراست میں لئے گئے دونوں دہشتگردوں کا تعلق کالعدم دہشتگرد تنظیم سے بتایا جا رہا ہے، جنہیں تحقیقات کے لئے نامعلوم مقام پر منتقل کر دیا گیا ہے۔