سی ٹی ڈی کی سیالکوٹ میں کارروائی، داعش کے 2 دہشتگرد گرفتار

شیعہ نیوز ( پاکستانی شیعہ خبر رساں ادارہ ) سی ٹی ڈی نے سیالکوٹ میں کارروائی کرتے ہوئے داعش کے دو دہشتگردوں کو گرفتار کرلیا ہے۔ نجی ٹی وی چینل اے آر وائی نیو ز کے مطابق محکمہ انسداد دہشتگردی(سی ٹی ڈی ) نے پنجاب سے شہر سیالکوٹ میں خفیہ اطلاع پر کارروائی کرتے ہوئے دو دہشتگردوں کو گرفتار کرلیا ہے جن کا تعلق داعش سے ہے اور وہ حساس تنصیبات کو نشانہ بنانا چاہتے تھے۔

سی ٹی ڈی کے مطابق گرفتار دہشتگردوں کے قبضے سے بھاری مقدار میں دھماکہ خیز مواد برآمد کیا گیا ہے جبکہ دہشتگردوں نے بس سٹینڈ پر دہشتگردی کے واقعات میں بھی ملوث ہیں۔یاد رہے کہ کچھ عرصہ قبل لاہور میں بھی کارروائی کی گئی تھی جس کے دوران خاتون سمیت داعش کے تین دہشتگردوں کو گرفتار کیا گیا تھا اور ایک دہشتگرد ہلاک ہوگیا تھا۔