سانحہ سہون شریف میں سہولتکاری کے 2 مرکزی ملزمان گرفتار

شیعہ نیوز (پاکستانی شیعہ خبر رساں ادارہ) سانحہ سہون خودکش حملہ کیس میں پیش رفت ہوئی ہے، سی ٹی ڈی نے کراچی میں کارروائی کرکے سانحہ سہون بم دھماکے کے دو مرکزی ملزمان کو حراست میں لے کر تفتیش شروع کر دی ہے۔

پولیس حکام کے مطابق سی ٹی ڈی نے کراچی سے جن ملزمان کو حراست میں لیا ہے وہ سانحہ سیہون شریف میں سہولت کاری کے مرکزی ملزم ہیں، دونوں ملزمان کا تعلق جماعت الاحرار سے ہے۔ وزیر داخلہ سندھ سہیل انور سیال نے سیہون میں ملزمان کی گرفتاری کی تصدیق کرتے ہوئے کہا ہے کہ سانحہ سیہون شریف کیس میں اہم پیش رفت ہوئی، بہت جلد کیس سے متعلق خوشخبری ملے گی۔

واضح رہے کہ سانحہ سہون میں ہونے والے خودکش دھماکے کے نتیجے میں لگ بھگ سو افراد جاں بحق اور تین سو سے زائد افراد زخمی ہوئے تھے۔