لاہور میں عاشورا پر دہشتگردی کا منصوبہ ناکام، 2 دہشت گرد گرفتار

شیعہ نیوز (پاکستانی شیعہ خبر رساں ادارہ) کاونٹر ٹیررازم ڈیپارٹمنٹ کی کارروائی، لاہور کے علاقے سبزہ زار سے 2 دہشتگردوں کو گرفتار کر لیا گیا۔

سی ٹی ڈی نے دعوی کیا ہے کہ دہشتگرد محرم الحرام کے دوران مذہبی مقامات کو ٹارگٹ کرنے کی منصوبہ بندی میں شامل تھے۔ کاونٹر ٹیررازم ڈیپارٹمنٹ کا کہنا تھا کہ سی ٹی ڈی نے ایک اطلاع پر سبزہ زار گندے نالے کے قریب کارروائی کرتے ہوئے دہشت گرد توکل خان اوراعظم خان کو گرفتار کیا ہے جن کے قبضے سے ہینڈ گرنیڈ اور بارودی مواد برآمد کیا گیا ہے۔

سی ٹی ڈی نے دونوں دہشت گردوں کو تفتیش کیلئے نامعلوم مقام پر منتقل کر دیا ہے۔ ابتدائی تفتیش کے مطابق دہشتگرد محرم الحرام میں امن و امان کی صورتحال کو بگاڑنے کیلئے مذہبی مقامات کو ٹارگٹ کرنے کی منصوبہ بندی کر رہے تھے۔ سی ٹی ڈی کا کہنا تھا کہ دہشتگردوں کا تعلق تحریک طالبان کے گروپ حزب الاحرار سے ہے۔