مچھ کے قریب بگٹی ایکسپریس پر بم سے حملہ،2افراد ہلاک متعدد زخمی

شیعہ نیوز(کوئٹہ) بلوچستان میں دہشتگردانہ کاروائیاں جاری۔ مچھ کے قریب پنڈی سے آنے والے بگٹی ایکسپریس پر بم سے حملہ جس سے ایک پولیس اہلکار سمیت 2 افراد جاں بحق جبکہ دو خواتین سمیت 6 زخمی ہو گئے واقعے کے بعد ایف سی نے علاقے میں سرچ آپریشن شروع کرکے متعدد افراد کو گرفتار کرلیا۔تفصیلات کے مطابق پیر کے شام پنڈی سے آنے والے نواب اکبر خان بگٹی ایکسپریس جب مچھ کے قریب پنیر اسٹیشن کے مقام پر پہنچی تو وہاں پر نامعلوم تخریب کاروں نے بم سے ایک بوگی پر حملہ کیا جس سے ٹرین میں سوار ایک پولیس اہلکارمحمد علی ‘ محمد ندیم جاں بحق جبکہ دو خواتین سمیت6افراد بی بی زبیدہ‘بی بی خدیجہ‘عبداللہ‘اللہ ڈنہ ‘محمد حسن اور دیگرشدید زخمی ہو گئے زخمیوں کو مچھ میں طبی امداد کے بعد کوئٹہ منتقل کردیاگیا واقعے کے بعد ایف سی نے علاقے میں تخریب کاروں کے خلاف سرچ آپریشن کر تے ہوئے کئی مشکوک افراد کو گرفتار کرکے تھانے میں بند کردیا مزید کارروائی جاری ہے