سیکیورٹی فورسز پر دہشت گردوں کی فائرنگ، 2 اہلکار زخمی

شیعہ نیوز (بنوں) بنوں کے قریب چیک پوسٹ پر دہشت گردوں کی فائرنگ سے دو سیکیورٹی اہلکار زخمی ہوگئے۔ سیکیورٹی فورسز کے ذرائع کے مطابق بنوں کے قریب اِیشا چیک پوسٹ پر دہشتگردوں کی جانب سے فائرنگ کی گئی۔ فائرنگ کے نتیجے میں چیک پوسٹ پر مامور دو سیکیورٹی اہلکار زخمی ہوگئے۔ فائرنگ کے بعد دہشتگرد فرار ہونے میں کامیاب ہوگئے۔ چیک پوسٹ پر فائرنگ کے بعد سیکیورٹی فورسز نے علاقے میں سرچ آپریشن کیا۔