بنوں، نامعلوم افراد کی فائرنگ، 2 افراد ہلاک

بنوں جیل،فائرنگ،تھانہ کینٹ،کینٹ،طالبان،ڈی آئی خان،خیبر پی کے

 شیعہ نیوز(بنوں) پاکستان کے صوبہ خیبر پختونخوا کے ضلع بنوں میں آج بدھ کے روز نامعلوم افراد کی فائرنگ سے کم سے کم 2 افراد ہلاک، جبکہ 2 زخمی ہوگئے۔ یہ واقعہ ضلع بنوں کے علاقے کینٹ میں پیش آیا۔ پولیس کے مطابق تھانہ کینٹ کی حدود میں نامعلوم مسلح افراد نے رکشہ پر فائرنگ کی جس کے نتیجے میں دو افراد جاں بحق جبکہ دو زخمی ہوگئے۔ واقعہ کے بعد زخمیوں کو ڈی ایچ کیو ہسپتال منتقل کردیا گیا ہے۔ دوسری جانب پولیس نے واقعہ کی تفتیش شروع کردی ہے، لیکن ابتدائی طور پر فائرنگ کی وجوہات معلوم نہیں ہوسکیں۔