پشاور، دہشت گردوں کی فائرنگ سے 2 سیکیورٹی اہلکار جاں بحق

شیعہ نیوز(پشاور)  صوبہ خیبر پختونخوا کے دارالحکومت پشاور میں جمعرات کی صبح نامعلوم افراد نے فائرنگ کرکے 2 پولیس اہلکاروں کو ہلاک کردیا۔ یہ واقعہ تھانہ چمکنی کے حدود میں اس وقت پیش آیا جب پولیس موبائل معمول کے گشت پر تھی اور وحید آباد کی چوکی کے قریب نامعلوم موٹر سائیکل سوار حملہ آواروں نے فائرنگ کردی۔ پولیس کی جانب سے جوابی کارروائی میں ایک حملہ آوار ہلاک، جبکہ دوسرا فرار ہونے میں کامیاب ہوگیا۔ پولیس نے بعد میں علاقے کو گھیرے میں لے کر تفتیش کا عمل شروع کردیا۔