جوائنٹ ایکشن کمیٹی کی کوششیں،مزید2 لاپتہ شیعہ عزادار بازیاب

شیعہ نیوز (پاکستانی شیعہ خبر رساں ادارہ)شیعہ لاپتہ عزاداروں کی بازیابی کیلیئے کام کرنے والی مرکزی کمیٹی ’’ جوائنٹ ایکشن کمیٹی فار شیعہ مسنگ پرسنز‘‘ کی احتجاجی تحریک کے نتیجے میں مزیددو شیعہ لاپتہ عزادار بازیاب ہوگئے ہیں۔ بازیاب ہونےوالوں میں ایک جوانوں کا تعلق کراچی اور ایک کا تعلق بکھر، پنجاب سے ہے ۔

تفصیلات کے مطابق خانوادہ اسیران ملت اور علمائے کرام کی نمائندہ کمیٹی جوائنٹ ایکشن کمیٹی فار شیعہ مسنگ پرسنز کی شب وروزکی کوشش اور جدوجہد کے نتیجے میں لاپتہ شیعہ عزاداروں کی بازیابی کا سلسلہ شروع ہوگیا ہے، مزید 2شیعہ لاپتہ عزادار بازیاب ہوکر بخیر وعافیت اپنے گھر پہنچ چکے ہیں ۔بازیاب ہونے والوں میں سے حیدر علی رضوی کا تعلق کراچی سے جبکہ نذر عباس کا تعلق بھکر، پنجاب سے ہے۔

یہ بھی پڑھیں جوائنٹ ایکشن کمیٹی کی کوششیں، 4 شیعہ لاپتہ عزادار بازیاب

واضح رہے کہ پاکستان میں اس وقت درجنوں شیعہ عزادار مختلف شہروں سے لاپتہ ہیں جن کے پیارے ان کی تلاش میں رات دن سرگرداں ہیں ۔ کئی ایک گمشدگان کے بوڑھے والدین اپنےجوان بیٹوں کی راہ تکتے تکتے اس دنیا سے رخصت ہوگئے ۔

اسیران کے اہل خانہ اور جوائنٹ ایکشن کمیٹی کا مطالبہ ہے کہ ان لاپتہ عزاداروں نے اگر کوئی جرم کیا ہے توانہیں عدالتوں میں پیش کیا جائے وگرنہ انہیں فی الفور رہا کیا جائے۔