کراچی ائیرپورٹ حملہ میں دس دہشتگرد سمیت 20 افراد ہلاک

شیعہ نیوز (کراچی) صوبہ سندھ کے دارالحکومت کراچی کے ایئر پورٹ کے قریب فائرنگ اور دھماکوں کے نتیجے میں دس دہشت گردوں سمیت 20 افراد ہلاک ہوگئے ہیں۔ آئی ایس پی آر ترجمان عاصم باجوہ نے تمام دس دہشت گردوں کی ہلاکت کی تصدیق کی ہے۔پاکستانی فوج کے ترجمان کا کہنا ہے کہ ایئر پورٹ کا تمام علاقہ کلیئر کروالیا گیا۔

رینجرز ترجمان کے مطابق ہلاک ہونے والے دہشت گردوں کے قبضے سے ہندوستانی اسلحہ برآمد ہوا ہے۔ انہوں نے کہا کہ مسافر اور عملے کو محفوظ مقام پر پہنچا دیا گیا ہے۔ وزیر صحت سندھ ڈاکٹر صغیر احمد کے مطابق دس لاشوں اور 15 زخمیوں کو جناح ہسپتال لایا گیا ہے۔ ان کا کہنا تھا کہ زخمیوں میں سے نو اے ایس ایف اہلکار ہیں، جان بحق ہونے والوں میں کم از کم تین اے ایف سی اہلکار اور دو عملے کے دو دیگر افراد بھی شامل ہیں۔