نوشہرہ میں چہلم امام حسین علیہ السلام کے جلوس رواں دواں

نوشہرہ میں حضرت امام حسین علیہ السلام کے چہلم کے جلوس مرکزی امام بارگاہ علی مسجد اور امام بارگاہ حسینیہ خٹک بلڈنگ سے نکالے جارہے ہیں۔شیعت نیوز کی رپورٹ کے مطابق مرکزی جلوس دن گیارہ بجے علی مسجد امام بارگاہ سے نکلا اور صدر بازار سے ہوتے ہوئے شمع چوک میں دوسرے جلوس سے ملا۔ جلوس کے شرکا کیولری روڈ سے ہوتے ہوئے نوشہرہ کینٹ تھانے کے قریب نماز ظہرین اداکی۔ اس کے بعد شوبراہ چوک اور صدر بازار  سے ہوتے ہوئے واپس علی مسجد میں جلوس اپنے اختتام کو پہنچے گا۔ نوشہرہ پولیس کی طرف سے جلوس کیلئے غیر معمولی سکیورٹی انتظامات کئے گئے ہیں اور پولیس کی بھاری نفری جلوس کی گزرگاہوں پر تعنیات کی گئی ہے۔نوشہرہ کینٹ کے تمام داخلی و خارجی راستے بھی بند کردئیے گئے ہیں۔