اسکردو میں شہید محمد نقی کی نماز جنازہ، ہزاروں کی تعداد میں عزادروں کی شرکت

سانحہ چلاس میں شہید ہونے والے محمد نقی کی نماز جنازہ حجتہ السلام و المسلمین مولانا شیخ محمد حسن جعفری کی اقتداء میں جامع مسجد امامیہ اسکردو میں ادا کردی گئی، شرکائے جنازہ سے خطاب کرتے ہوئے مولانا سید علی رضوی نے کہا کہ شاہراہ قراقرم کو پاک فوج کے حوالے کیا جائے، اسکردو ایئرپورٹ کو ہر موسم میں کھلے رکھنے کے لئے اقدامات کئے جائیں، متبادل راستے بھی فراہم کئے جائیں، اور سانحہ چلاس کے ذمہ داروں کو قرار واقعی سزا دی جائے۔ اس موقع مومنین کی بہت بڑی تعداد شہید کی تشیع جنازہ میں موجود تھی۔