کوئٹہ:سات شیعہ مسلمانوں کو قتل کرنے کی ذمہ داری کالعدم دہشت گرد لشکر جھنگوی نے قبول کر لی

کالعدم دہشت گرد ناصبی یزیدی گروہ لشکر جھنگوی نے ہفتہ کے روزکوئٹہ میں ٹارگٹ کلنگ کا نشانہ بنائے جانے والے سات شیعہ مسلمانوں کے قتل کی ذمہ داری قبول کر لی ہے ۔شیعت نیوز کے نمائندے کی رپورٹ کے مطابق کالعدم دہشت گرد گروہ لشکر جھنگوی کے ایک ترجمان نے زرائع کو خبر دیتے ہوئے کہا ہے کہ کالعدم دہشت گرد ناصبی گروہ لشکر جھنگوی ہفتے کے بلوچستان کے شہر کوئٹہ میں قتل کئے جانے والے سات شیعہ مسلمانوں کے قتل کی ذمہ داری قبول کرتا ہے ۔

نامعلوم مقام سے ٹیلی فون کے ذریعے ایکسپریس ٹی وی چینل سے بات کرتے ہوئے کالعدم دہشت گرد گروہ لشکر جھنگوی کے ترجمان نے اپنا نام ابو بکر بتاتے ہوئے کہا کہ کوئٹہ سمیت پورے بلوچستان میں اعلیٰ پولیس افسران ناصبی وہابی دہشت گرد گروہ لشکر جھنگوی کی لسٹ میں شامل ہیں جن کو ٹارگٹ کلنگ میں قتل کیا جائے گا۔