شہیدناموس رسالت رضاتقوی کو سلام پیش کرتے ہیں ملی یکجہتی کونسل

ملی یکجہتی کونسل کے اجلاس میں ایم ڈبلیوایم کراچی کے ترجمان شہید ناموس رسالت رضاتقوی کی شہادت کو خراج تحسین پیش کیا گیا اور فاتحہ خوانی کی گئی
اجلاس میں مختلف مکاتب فکر کے علمائے کرام کی جانب سے اس شہادت کو امت مسلمہ کی غیرت مندانہ ردعمل قراردیتے ہوئے شہید کے خاندان اور مجلس وحدت مسلمین کو خراج تحسین پیش کیا
اجلاس میں ایم ڈبلیوایم کے ڈپٹی سیکرٹری جنرل علامہ امین شہیدی نے کہا کہ شہید رضا تقوی کسی خاص مسلک یا جماعت کا شہید نہیں بلکہ ان کا تعلق امت مسلمہ سے ہے اور وہ شہید ناموس رسالت ہیں
اجلاس میں یہ بھی متفقہ فیصلہ کیا گیا کہ عنقریب امریکی گستاخانہ فلم کے خلاف ملی یکجہتی کونسل مشترکہ لائحہ عمل پیش کرئے گی ،اجلاس میں یہ بھی فیصلہ کیا گیا کہ ملی یکجہتی کا وفد دیر بالا میں شہیدہونے والے ناموس رسالت کے شہید اور کراچی میں شہید ہونے والے ناموس رسالت کے شہید رضاتقوی کے گھر خراج تحسین کے لئے جائے گا اور وفد لبیک یا رسول اللہ ریلی میں زخمی ہونے والے عاشقان رسالت کے گھر بھی جائے گا