ملک بھر میں چالیس سے زائد مقامات پر احتجاجی دھرنے،مطالبات کی منظوری تک احتجاج جاری رکھنے کا عزم
سانحہ علمدار روڈ کوئٹہ: ملک بھر میں چالیس سے زائد مقامات پر احتجاجی دھرنے،مطالبات کی منظوری تک احتجاج جاری رکھنے کا عزم
کوئٹہ میں علمدار روڈ پرتکفیری ناصبی دہشت گردوں کے حملے کے خلاف جاری احتجاجی دھرنے میں شریک ہزاروں شیعیان حیدر کرار (ع) اور 86سے زائد شہداء کے خانوادوں سے اظہار یکجہتی کے لئیپاکستان بھر میں چالیس سے زائد مقامات پراحتجاجی دھرنا جاری ہے۔شیعت نیوز کے نمائندوں کی اطلاعات کے مطابق جمعرات کے روز بلوچستان کے شہر کوئٹہ میں علمدار روڈ پر ناصبی تکفیری دہشت گردوں کے خود کش حملوں میں شہید ہونے والے 86عزاداران امام حسین علیہ السلام کی میتوں کے ہمراہ کوئٹہ شہر میں جاری احتجاجی دھرنے میں شریک ہزاروں شیعہ مومنین اور شہداء کے لواحقین سے اظہار یکجہتی کے لئے پاکستان بھرمیں بھی چالیس سے زیادہمقامات احتجاجی دھرنا جاری ہے۔
واضح رہے کہ کوئٹہ میں بم حملوں میں 86شہادتوں کے بعد کوئٹہ کے مومنین نے احتجاجی دھرنا دیا تھا جسے اب 72گھنٹے ہونے والے ہیں۔ تاہم کوئٹہ کے مومنین نے علمدار روڈ پر ہونے والے 86شہادتوں پر بلوچستان حکومت کے مستعفی ہونے اور کوئٹہ کو فوج کے حوالے کرنے کا مطالبہ کیا تھا جبکہ ہزاروں شیعیان حیدر کرار (ع) سخت سردی کے موسم میں جہاں درجہ حرارت نقطہ انجماد سے انتہائی کم ہونے کے باوجود معصوم بچوں خواتین اور نوجوانوں سمیت بزرگوں کی بڑی تعداد میں موجود ہیں ۔یاد رہے کہ کوئٹہ میں احتجاجی دھرنے میں 86شہداء کے جسد خاکی بھی رکھے ہوئے ہیں جنہیں مطالبات کی منظوری کے بعد ہی سپرد خاک کیا جائے گا۔
دوسری طرفپاکستان بھر میں کوئٹہ کے مومنین سے اظہار یکجہتی کے لئے اور ملت جعفریہ کے مطالبات کی منظوری تک غیر معینہ مدت تک احتجاجی دھرنوں کا آغاز جمعہ کی دوپہر کو شروع ہوا جس کے تحت پاکستان بھر میں چالیس سے زائد مقامات بشمول کراچی،حیدر آباد،مورو،سکھر،رانی پور،خیر پور،ملتان،لاہور،اسلام آباد،گلگت ،اسکردو سمیت مختلف شہروں میں حتجاجی دھرناجاری ہیہے ۔احتجاجی دھرنوں کے انتظامات مجلس وحدت مسلمین پاکستان،شیعہ علماء کونس پاکستان،امامیہ اسٹوڈنٹس آرگنائزیشن پاکستان،جعفریہ الائنس پاکستان اور دیگر شیعہ تنظیموں کی جانب سے کیا گیا ہے۔
قابل ذکر بات ہے کہ کوئٹہ میں موسم انتہائی سرد اور نقطۂ انجماد سے کم ہونے کے باوجود ملت جعفریہ استقامت کے ساتھ گذشتہ 72گھنٹوں سے موجود ہے اسکردو میں بھی دجہ حرارت نقطہ انجماد سے انتہائی کم ہونے کے باوجود احتجاجی دھرنا جاری ہے ۔
مجلس وحدت مسلمین پاکستان کے مرکزی سیکرٹری جنرل علامہ ناصر عباس جعفری نے شیعت نیوز کے نمائندے سے ٹیلی فون پر بات چیت کرتے ہوئے بتایا ہے کہملک بھر میں چالیس سے زائد مقامات پر جاری احتجاجی دھرنوں کو اس وقت تک ختم نہیں کیا جائے گا جب تک ملت جعفریہ پاکستان کے مطالبات جس میں کوئٹہ شہر کو پاک فوج کے حوالے کیا جانے سمیت بلوچستان کی نا اہل اور متعصب اور ناصبی تکفیری دہشت گردوں کی معاون حکومت کی مستعفی شامل ہے۔
