کراچی طالبان دہشتگردوں کی گرفتاری

پاکستان کی اقتصادی شہ رگ کراچی میں پولیس نے طالبان دہشتگردوں کا نیٹ ورک پکڑنے کا دعوی کیا ہے۔ جنگ آن لائن کے مطابق کراچی میں منگھوپیر کی کنواری کالونی میں سکیورٹی فورسس نے سرچ آپریشن کے دوران طالبان دہشتگردوں کا نیٹ ورک پکڑا ہے اور چارسوافراد کو حراست میں لے لیا ہے۔ گرفتار شدہ افراد سے تفتیش کی جارہی ہے۔ سکیورٹی فورسس کے مطابق انہیں اس علاقےميں دہشتگردی کی ممکنہ کاروائیوں کی منصوبہ بندی کی اطلاع ملی تھی جس کےبعد اس علاقے کو گھیرے میں لیکر گھر گھر کی تلاشی لی گئي۔ اس تلاشی کے دوران چارسو افراد کوحراست میں  لیا گيا۔ پہلے سے زیرحراست افراد سے ان کی شناخت کروائي جارہی ہے۔ شمالی وزیرستان سے آئے ہوئے دہشتگردوں کو بھی گرفتار کیا گيا ہے۔اس علاقے میں کالعدم تحریک طالبان کا دفتر بھی قائم کیا گيا تھا۔