مسجد اقصیٰ پر اسرائیلی حملے کے خلاف جمعہ کو کراچی میں احتجاجی مظاہرہ کیا جائے گا، پی ایل ایف

شیعہ نیوز (کراچی) جمعیت علمائے پاکستان اور فلسطین فاؤنڈیشن پاکستان کے رہنماؤں نے کہا ہے کہ غاصب صیہونی ریاست اسرائیل کی جانب سے مسجد اقصیٰ پر کئے جانے والے حملوں اور دہشت گردانہ کاروائیوں کے خلاف اٹھائیس فروری بروز جمعہ کو کراچی میں ’’ نیو میمن مسجد ‘‘ کے سامنے بعد نماز جمعہ احتجاجی مظاہرہ کیا جائے گا۔ احتجاجی مظاہرہ میں جماعت اسلامی پاکستان کراچی کے نائب امیر سابق رکن قومی اسمبلی مظفر ہاشمی، سابق جنرل سیکرٹری کراچی نسیم صدیقی، مسلم پرویز، سابق امیر جماعت اسلامی کراچی محمد حسین محنتی، جمعیت علماء پاکستان کے مرکزی رہنما علامہ قاضی احمد نورانی صدیقی، علامہ عقیل انجم قادری، پاکستان عوامی مسلم لیگ کے مرکزی رہنما محفوظ یار خان ایڈووکیٹ، مجلس وحدت مسلمین پاکستان کے رہنما علامہ مبشر حسن اور فلسطین فاؤنڈیشن پاکستان کے مرکزی سیکرٹری جنرل و ترجمان صابر کربلائی خطاب کریں گے۔