شیعہ علما کونسل کے کارکنان کو اطمینان ہونا چاہیئے کہ وہ درست راستے پر ہیں، آپ ولایت سے وابستہ ہیں، علامہ جعفر سبحانی

شیعہ نیوز (کراچی) شیعہ علماء کونسل کراچی ملیر کی جانب سے فکری نشست کا اہتمام کیا گیا جس میں شیعہ علماء کونسل ملیر کے کارکنان  نے بھرپور شرکت کی۔ فکری نشست سے ایس یو سی کراچی کے صدر حجتہ السلام علامہ  شیخ جعفر سبحانی نے خطاب کرتے ہوئے فرمایا کہ شیعہ علماء کونسل کے کارکنان  کو اطمینان ہونا چاہئے کہ وہ درست راستے پر ہیں، آپ ولایت سے وابستہ ہیں جو تشیع کا مغز ہے، ایسے سلسلہ کا نمائندہ ہونے پر آپ خدا کا شکر ادا کریں، آپ کو اس بات سے غرض نہیں ہونا چاہیئے کے قیادت کے ساتھ کون ہے یا کون نہیں، آپ اسی الہی راستے پر گامزن رہیں۔