سراج الحق کے جماعت اسلامی کے امیر بننے کے بعد لیاقت بلوچ سیکریٹری جنرل کے عہدے سے مستعفی

شیعہ نیوز (لاہور) سراج الحق کے جماعت اسلامی کے امیر بننے کے بعد لیاقت بلوچ نے سیکریٹری جنرل کے عہدے سے استعفیٰ دیدیا۔ نجی ٹی وی کے مطابق جماعت اسلامی کے سیکرٹری جنرل لیاقت بلوچ نے پارٹی کے عہدے سے استعفٰی دے دیا ہے۔ لیاقت بلوچ کے قریبی ذرائع کے مطابق انہوں نے یہ فیصلہ صحت کی خرابی کی وجہ سے کیا ہے۔ جماعت اسلامی کے نئے سیکرٹری جنرل کے لئے معراج الہدیٰ صدیقی اور راشد تبسم کے نام زیر غور ہیں۔  دیگر ذرائع کے مطابق لیاقت بلوچ نے جماعت اسلامی کی امارت کیلئے نذر انداز کئے جانے پر جماعت اسلامی کے  سیکریٹری جنرل کی ذمہ داریوں سے استعفیٰ دیا ہے۔ واضح رہے کہ کچھ روز قبل جماعت اسلامی کی شوریٰ کے اراکین نے استصواب رائے کے ذریعے طالبان کی حمایت کرنے والے منور حسن کو تنظیم کی امارت سے فارغ کرکے سراج الحق کو نیا امیر منتخب کیا ہے۔ اب دیکھنا یہ ہے کہ جماعت اسلامی میں یہ تبدیلی کیا نیا رنگ اختیار کرے گی، یہ تو وقت ہی بتائے گا۔