مذاکرات کے معاملے میں قوم کو دھوکے میں رکھا جا رہا ہے، معصوم نقوی

شیعہ نیوز(لاہور)طالبان سے مذاکرات پر قوم متفق نہیں، عسکری ادارے مخالفت کر رہے ہیں تو حکمران کس کی خوشنودی کے لئے امن کا ڈھونگ رچا رہے ہیں۔ جے یو پی واہگہ ٹاون لاہور کے اجلاس سے جمعیت علما پاکستان نورانی کی سپریم کونسل کے چیئرمین پیر سید محمد معصوم حسین نقوی نےخطاب کرتے ہوئے کہا۔انہوں نے کہا کہ طالبان دہشت گرد اور درندے ہیں، مگر معلوم نہیں کہ مسلم لیگ ن کی قیادت کو ان سے پیار کیوں ہے؟ دہشت گردوں کو جیل میں ہونا چاہیے تھا۔ مگر انہیں رہا کروایا جا رہا ہے۔ ان کا کہنا تھا کہ قوم پوچھتی ہے کہ مذاکراتی ٹیم کی اب تک کی کارکردگی کیا ہے۔

یو پی نورانی کے رہنما نے کہا کہ قو م کو دھوکے میں رکھا جا رہا ہے۔ اصل حقائق قوم کے سامنے نہیں لایا جا رہا۔ انہوں نے کہا کہ حکومت طالبان دہشت گردوں کو رہا کر کے قوم اور آئین سے غداری کی ہے۔ دہشت گرد وں کو رہا کر کے قوم سے غداری کی مرتکب ہو رہی ہے۔ یہ لوگ رعایت کے مستحق نہیں۔ پیر معصوم نقوی نے کہا کہ طالبان نے کسی ایک بھی پاکستانی کو اب تک رہا نہیں کیا۔ مگر حکمران طالبان دہشت گردوں کو رہا کیے جا رہے ہیں۔ جس سے عام آدمی یہ سمجھنے پر مجبور ہے کہ حکومت قوم کو بے وقعت کر رہی ہے۔ جے یو پی کے رہنما نے مطالبہ کیا کہ دہشت گردوں سے مذاکرات کا ڈرامہ ختم کر کے آپریشن کیا جائے۔ اور قوم کے سامنے اب تک کی صورت حال بارے میڈیا کے ذریعے بتایا جائے۔ کہ پچاس ہزار پاکستانیوں کے قاتلوں سے مذاکرات سے قوم کو کیا حاصل ہوا۔