پاکستانی شیعہ خبریں

ن لیگ اور پی ٹی آئی کی حکومتیں عوام کو تحفظ فراہم کرنے میں ناکام ہوچکی ہیں، علامہ سبطین الحسینی

شیعہ نیوز (پشاور) مجلس وحدت مسلمین صوبہ خیبر پختونخوا کے سیکرٹری جنرل علامہ سید محمد سبطین الحسینی نے پشاور میں سید اطہر عباس زیدی کی شہادت اور ہنگو میں فرہاد علی پر قاتلانہ حملہ کی شدید الفاظ مذمت کرتے ہوئے کہا ہے کہ ملک میں عوام کا جان و مال محفوظ نہیں جبکہ حکمران اپنے فرائض منصبی ادا کرنے میں یکسر ناکام نظر آرہے ہیں۔ وحدت ہاوس پشاور سے جاری مذمتی بیان میں انہوں نے کہا کہ پشاور میں عرصہ دراز سے اہل تشع افراد کی ٹارگٹ کلنگ جاری ہے، تاہم ہر مرتبہ یقین دہانیوں کے باوجود ضلعی انتظامیہ اور صوبائی حکومت نے اب تک کوئی عملی اقدامات نہیں کئے۔ ان کا مزید کہنا تھا کہ قاتلوں کو گرفتار کیا گیا اور نہ ہی قتل غارت گری کے اسباب جاننے کیلئے کوئی پیشرفت کی گئی، انہوں نے کہا کہ نواز لیگ کی مرکزی حکومت اور پی ٹی آئی کی صوبائی حکمران نے عوامی مینڈیٹ کی توہین کر رہی ہے۔ اسکے علاوہ انہوں نے ہنگو پٹ بازار میں شیعہ نوجوان فرہاد علی پر قاتلانہ حملے کی بھی شدید مذمت کرتے ہوئے دہشت گردوں کیساتھ آہنی ہاتھوں سے نمٹنے کا مطالبہ کیا۔

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button