ایرانی بحری بیڑہ آج سے کراچی بندرگاہ کا خیر سگالی دورہ شروع کریگا

شیعہ نیوز (کراچی) ایرانی بحری بیڑہ آج سے کراچی بندرگاہ کا خیر سگالی دورہ کرے گا۔ اس بحری بیٹرے میں خنجرف لخون، ہیندیجان، دالم اور آبدوز غدیر شامل ہیں۔ بحری بیڑے کی سربراہی کیپٹن عباس علی جہاں بخش کر رہے ہیں۔ کیپٹن عباس علی پاک بحریہ کے اعلیٰ عہدیداران سے ملاقات کے ساتھ ساتھ کراچی میں موجود پاک بحریہ کے تربیتی مراکز، آپریشن اور مینٹینس مراکز کا دورہ بھی کریں گے۔ دیگر مصروفیات اور دوروں کے علاوہ کھیل کے مقابلے بھی منعقد کئے جائیں گے۔ دورہ کے اختتام پر پاک بحریہ اور ایرانی بحریہ کے بیڑے سمند ر میں روایتی مشقوں میں حصہ لیں گے جن میں مختلف بحری آپریشنز کی مشق کی جائے گی۔