اورنگی، امامبارگاہ کے قریب دو دھماکے، ایک بچہ شہید

شیعہ نیوز (کراچی) کراچی کے علاقے اورنگی میں ایک امام بارگاہ کے قریب دو دھماکوں کے نتیجے میں ایک سات سالہ بچہ شہید اور 9 دیگر افراد زخمی ہوگئے ہیں، اطلاعات کے مطابق دھماکے اورنگی ٹاؤن میں قصبہ چوک کے قریب پیش آئے۔ پولیس ذرائع کا کہنا ہے کہ دوسرا دھماکا پلانٹڈ ہوسکتا ہے، اطلاعات کے مطابق پہلا دھماکا ہلکی نوعیت کا تھا جبکہ دوسرےدھماکے کی آواز شہر کے مختلف علاقوں میں سنی گئی، دھماکوں کے نتیجے میں اب تک کی اطلاعات کے مطابق ایک شخص ہلاک جبکہ 9 افراد زخمی ہوگئے ہیں جنہیں مقامی ہسپتال میں طبی امداد کے لیے منتقل کردیا گیا ہے، امام بارگاہ کے قریب دو دھماکوں کے نتیجے میں ایک سات سالہ بچہ شہید اور 9 دیگر افراد زخمی ہوگئے ہیں۔