بنوں، فورسز کیساتھ فائرنگ کے تبادلے میں طالبان کمانڈر مطیع اللہ ہلاک

شیعہ نیوز(بنوں)  بنوں میں سیکورٹی فورسز کے ساتھ فائرنگ کے تبادلے میں ایک دہشتگرد کمانڈر ہلاک ہوگیا ہے جبکہ دوسرے کو گرفتار کر لیا گیا۔ ایف آر جانی خیل کے علاقے بچکی میں سیکورٹی فورسز کے سرچ آپریشن کے دوران شدت پسندوں نے فورسز پر فائرنگ کر دی۔ جوابی کارروائی میں مطیع اللہ نامی دہشتگرد کمانڈر ہلاک ہوگیا جبکہ ولی اللہ دہشتگرد کو گرفتار کر لیا گیا۔ گرفتار ہونے والا ولی اللہ کئی مقدمات میں مطلوب تھا، فورسز اور دہشتگردوں کے مابین فائرنگ کا تبادلہ چوبیس منٹ تک جاری رہا۔