ڈی آئی خان، پولیس شہداء کے ورثا میں عید پیکج تقسیم

شیعہ نیوز(ڈی آئی خان) ڈیرہ اسماعیل خان میں پولیس کے 82شہدا کے ورثا میں افسران بالا کی ہدایت پر ڈی ایس پی ہیڈ کوارٹر بہاول خان نے عید پیکج تقسیم کیا۔ ڈی ایس پی ہیڈکوارٹرحاجی بہاول خان نے کہاہے کہ پولیس شہداء کی قربانیاں رائیگاں نہیں جائینگی۔دہشتگردی اوربدامنی کے کنٹرول کرنے میں شہداء کاکردارہمیشہ سنہری حروف سے لکھاجائیگا۔ان خیالات کااظہارانہوں نے پولیس لائن ڈیرہ میں عیدالفطرکے حوالے  سے پولیس شہداء کے ورثاء میں عیدپیکج تقسیم کرنے کی تقریب کے موقع پر مہمان خصوصی کی حیثیت میں کیا۔اس تقریب میں82پولیس شہداء کے ورثاء میں عیدپیکج کے سلسلے میں گھی، چینی، سویاں، پتی، چاول، مٹھائی اورروح افزاء تقسیم کیاگیا۔ڈی ایس پی ہیڈکوارٹربہاول خان نے کہاکہ پولیس عوام کی جان ومال اورعزت وآبروکی محافظ ہے۔عوام کی جان ومال کی حفاظت جان پرکھیل کربھی کرینگے۔