کوہاٹ، آئی ایس او کے زیر اہتمام سیلاب زدگان کیلئے امدادی کیمپ لگایا گیا

شیعہ نیوز (کوہاٹ) امامیہ اسٹوڈنٹس آرگنائزیشن پاکستان پشاور ڈویژن کی جانب سے متاثرین سیلاب کیلئے کوہاٹ میں امدادی کیمپ لگایا گیا، آئی ایس او کے ڈویژنل صدر ضمیر علی جعفری کے مطابق یہ امدادی کیمپ کوہاٹ کے علاقہ کچہ پکہ میں قائم کیا گیا، جس میں عوام نے سیلاب سے متاثرہ اپنے ہم وطنوں کیلئے نقد رقوم کے ساتھ ساتھ مختلف ضروریات زندگی کی اشیاء بھی جمع کرائیں۔ ضمیر علی جعفری کا کہنا تھا کہ یہ کیمپ جمعتہ المبارک تک قائم رہے گا۔