کراچی میں جاری ٹارگٹ کلنگ حکومت کے دہشتگردوں سے گٹھ جوڑ کا نتیجہ ہے، علامہ عبدالخالق اسدی

شیعہ نیوز (لاہور) مجلس وحدت مسلمین پنجاب کی صوبائی کابینہ کا اجلاس منعقد ہوا، جس میں سیلاب سے متاثرہ علاقوں میں امدادی کارروائیوں اور بحالی کے کاموں کا جائزہ لیا گیا، اجلاس سے خطاب کرتے ہوئے صوبائی سیکرٹری جنرل علامہ عبدالخالق اسدی نے کہا کہ سیلاب متاثرین کی امداد اور بحالی کے کاموں بھر پور حصہ لیا جائے، کابینہ کے اجلاس میں مجلس وحدت مسلمین کے شعبہ فلاح بہبود خیرالعمل فاوُنڈیشن پنجاب کے سیکرٹری سید مسرت عباس کاظمی نے امدادی کاموں پر بریفنگ دیتے ہوئے کہا کہ سیالکوٹ، سرگودہا اور جھنگ میں روزانہ کی بنیاد پر چھ ہزار سے زائد متاثرین سیلاب کو کھانا ادویات دینے کا سلسلہ جاری ہے، ملتان سمیت تمام متاثرہ علاقوں میں 29 سے زائد میڈیکل کیمپ خدمات سر انجام دے رہے ہیں۔ انہوں نے کہا کہ سیلاب سے متاثرہ علاقوں میں مساجد، امام بارگاہوں اور مکانات کی تعمیر کا کام بلاتفریق مذہب و ملت تیزی سے شروع کرینگے۔ کابینہ کے اجلاس میں انقلاب مارچ دھرنے کے شرکاء کو بھی خراج تحسین پیش کیا گیا اور اس کا عزم کیا کہ عوامی احتجاج کی کامیابی تک ہم میدان میں موجود رہینگے۔ اجلاس میں کراچی میں جاری ٹارگٹ کلنگ کی شدید مذمت کرتے ہوئے اسے سندھ گورنمنٹ کی ناکامی اور دہشت گردوں سے گھٹ جوڑ قرار دیا۔