میرپورخاص میں امام بارگاہوں، عزاخانوں اور دیگر مقامات پر مجالس کا سلسلہ جاری

شیعہ نیوز (میرپورخاص) میرپور خاص میں محرم الحرام کے حوالے سے امام بارگاہوں، عزاخانوں اور دیگر مقامات پر مجالس کا سلسلہ جاری ہے، اس سلسلہ میں مرکزی امام بارگاہ درگاہ مکھن شاہ پر عشرہ محرم کی مجلس سے مولانا ضیاالحسن نقوی نے خطاب کر تے ہوئے کہا کہ کربلاکے میدان میں حضرت امام حسین   (ع)  اور ان کے خاندان کی اسلام کے لئے دی گئی قربانیاں رہتی دنیاتک یاد رکھی جائیں گی۔،واقعہ کربلا سے ہمیں صبروتحمل اور قربانی کا درس ملتا ہے ،حسینی فکر اور فلسفہ آج بھی انسانیت کے لئے مثعل راہ ہے اور امام عالی مقام سے محبت امت مسلمہ کا مشتر کہ سرمایہ ہے۔