شیعہ نیوز (کراچی) مسجد و امام بارگاہ وحدت مسلمین گلستان جوہر پر کریکر حملے اور ٹارگٹ کلنگ کا نشانہ بنے والے محبوب رحمانی کے بہیمانہ قتل کی مذمت کرتے ہیں، شہر قائد شیعہ افراد کی ٹارگٹ کلنگ اور دہشتگردوں کے حملوں کا سلسلہ بدستور جاری ہے، کراچی دہشتگردی کا واقعہ ایم ڈبلیو ایم کے دفتر کے سامنے سبیل امام حسین علیہ السلام پر دہشتگردوں نے کریکر حملہ کیا جبکہ دوسری جانب شیعہ تاجر محبوب رحمانی کو طارق روڈ کے قریب ٹارگٹ کلنگ کا نشانہ بنایا گیا، دونوں واقعات کی جتنی مذمت کی جائے کم ہے، کراچی دہشتگرد آزاد گھوم رہے ہیں اور قانون نافذ کرنے والے ادارے ناکام نظر آتے ہیں، گلستان جوہر سبیل پر حملے میں 3 عزادار زخمی ہوئے جس میں معصوم بچہ، خاتون بھی شامل ہیں، اگر قانون نافذ کرنے والے ادارے پولیس اور رینجرز اگر شہر میں دہشتگردی نہیں روک سکتے تو شہر حساس علاقوں کو فوج کے حوالے کیا جائے، قانون نافذ کرنے والے ادارے پولیس و رینجرز محرم الحرام میں سکیورٹی فراہم کرنے میں ناکام ہو گئے ہیں، عوام کے تحفظ کیلئے فوج کی مدد لی جائے۔ ان خیالات کا اظہار مجلس وحدت مسلمین کراچی سیکریٹری جنرل حسن ہاشمی نے کراچی میں امام بارگاہ وحدت مسلمین کی سبیل امام حسین علیہ السلام پر دہشتگردی اور شیعہ تاجر محبوب رحمانی کی ٹارگٹ کلنگ کی مذمت کرتے ہوئے ایم ڈبلیو ایم کے دفتر میں قائم عزاداری سیل میں منعقدہ سکیورٹی کے حوالے سے ہنگامی اجلاس کے دوران خطاب میں کیا۔ اجلاس میں انجینئر رضا نقوی، میثم عابدی، ڈاکٹر مدثر حسین، اصغر عباس زیدی، طاہر آغا، سہیل بنگش سمیت ڈسٹرکٹ ذمہ داران اور کارکنان کی بڑی تعداد موجود تھی۔
اُن کا کہنا تھا کہ اعلیٰ حکام شہر میں سکیورٹی کے جھوٹے دعوے کر رہے ہیں، دہشگرد آزادانہ اپنی کاروائیاں کر رہے ہیں، اس سے قبل آئی آر سی امام بارگاہ میں بھی اسی قسم کی دہشتگردی کا واقعہ ہوا، آخر حساس ادارے کن دہشتگردوں کے خلاف کاروائیاں کر رہے ہیں، حکومت شہر کراچی کے حالات ٹھیک کرنے میں سنجیدہ نظر نہیں آتی۔ شہر کے وزیر اعلیٰ و گورنر سندھ سمیت قانون نافذ کرنے والے ادارے شہر میں دہشتگردوں کے خلاف کاروائی کرنے کے دعوے کر رہے ہیں تو آئی آر سی کے بعد متواتر دہشتگری کے حملوں میں کون ملوث ہے عوام کے سامنے لایا جائے، شہر میں دہشتگرد مضبوط ہو رہے ہیں اور حکومتی رٹ کہی نظر نہیں آرہی، شہر میں جنگل کا قانون ہے دہشتگرد جب اور جہاں چاہیں معصوم عوام کو نشانہ سکتے ہیں۔ حسن ہاشمی نے حکومت سے مطالبہ کیا کہ حکومت پولیس و رینجرز سمیت دیگر حساس ادارے شہر میں دہشتگردی کے واقعات پر قابو نہیں پا سکتے لہذا اب شہر کو دہشگردی کے خاتمے کیلئے افواج پاکستان کے حوالے کیا جائے تاکہ معاشی حب کراچی میں معصوم عوام کی جانوں کو محفوظ بنایا جائے۔ دریں اثناء حسن ہاشمی نے ٹاگٹ کلنگ کے واقعہ میں شہید ہونے والے شیعہ تاجر محبوب رحمانی کیلئے فاتحہ خوانی اور سبیل امام حسین علیہ السلام پر حملے میں زخمی ہونے والے افراد کی صیحتیابی کیلئے دعا کرائی۔
